На базе Лунінецкага філіяла РУП "Брэсцкае агенцтва па дзяржаўнай рэгістрацыі і зямельным кадастры" прайшоў прававы прафсаюзны прыём.
20 лютага па кансультацыю да галоўнага прававога інспектара працы Брэсцкага абкама прафсаюза работнікаў лесу і прыродакарыстання Алены Бяляк, якая вяла прыём сумесна з памочнікам пракурора раёна Кацярынай Ярашэвіч, старшынёй раённага аб'яднання прафсаюзаў Ігарам Гапонам, звярнулася чацвёра жыхароў Лунінеччыны.
Зададзеныя імі пытанні тычыліся падзелу працоўнага водпуску на часткі, работы па сумяшчальніцтве, рэгістрацыі права ўласнасці жылога памяшкання, а таксама добраахвотнага страхавання дадатковай назапашвальнай пенсіі. Цікавіліся і магчымасцю патаннення пуцёвак на санаторна-курортнае аздараўленне членаў прафсаюза. Усім якія звярнуліся за юрыдычнай дапамогай былі дадзены тлумачэнні і кансультацыі.
- У цесным узаемадзеянні з прафсаюзамі мы тлумачым грамадзянам пытанні працоўнага заканадаўства, – адзначыла памочнік пракурора Кацярына Ярашэвіч. - Безумоўна, такі адкрыты дыялог павышае ўзровень прававой пісьменнасці грамадзян і здымае напружанасць у вырашэнні канфліктных сітуацый.
Микашевичи – здоровый город" />
Лунинец – здоровый город" />
