Галоўная // САЦЫЯЛЬНАЯ СФЕРА // ЗАГС

Вынікі работы органаў, якія рэгіструюць акты грамадзянскага стану Лунінецкага раёна за 2024 год

07/02/2025 10:02

Версія для друку

Рэгістрацыю актаў грамадзянскага стану ў Лунінецкім раёне ажыццяўляюць: аддзел запісу актаў грамадзянскага стану Лунінецкага райвыканкама, 11 сельскіх выканаўчых камітэтаў і Мікашэвіцкі гарвыканкам Лунінецкага раёна.

У 2024 годзе ў органы, якія рэгіструюць акты грамадзянскага стану, паступіла 3644 заяў зацікаўленых асоб аб ажыццяўленні адміністрацыйных працэдур. Па выніках ажыццяўлення адміністрацыйных працэдур усяго выдадзена 5176 дакументаў, з іх: пасведчанняў аб рэгістрацыі актаў грамадзянскага стану – 1725, паўторных пасведчанняў – 459, даведак, якія змяшчаюць звесткі з запісаў актаў грамадзянскага стану – 2937.

Нарадзіліся 212 хлопчыкаў і 200 дзяўчынак. Двайняты нарадзіліся ў дзвюх сем'ях.

Першымі ў сем’ях зарэгістравана 136 дзяцей, другімі - 122. Трэцяе дзіця нарадзілася ў 107 сем'ях, чацвёртае – у 33, пятае – у 7, шостае – у 2, сёмае, дзевятае, дзесятае і адзінаццатае – у 1 сям'і. У адной сям’і нарадзілася чатырнаццатае дзіця.

Мінімальны ўзрост бацькі 18 гадоў, маці – 17. Максімальны ўзрост бацькі – 49 год, маці – 44.

Распаўсюджаныя імёны:

хлопчыкі – Міхаіл, Аляксандр, Уладзіслаў, Іван, Цімафей, Мірон, Арцём, Дамір, Ягор, Макар, Марк, Раман;

дзяўчынкі – Сафія, Аляксандра, Дар'я, Валерыя, Варвара, Адэліна, Вікторыя, Мілана, Паліна, Эмілія.

Рэдкія імёны:

хлопчыкі – Арыстарх, Елізар, Залтан, Светазар, Эміль, Дабрамір;

дзяўчынкі – Адэль, Аслана, Каміла, Ясміна.

Упершыню ўступілі ў шлюб 164 пары, у паўторны шлюб уступілі 71 жаніх і 80 нявест. Больш за 60 гадоў зарэгістравалі шлюб – 5 жаніхоў і 3 нявесты. Максімальны ўзрост жаніха – 74, нявесты – 66.

Таксама, у 2024 годзе аддзелам загса і гарсельвыканкамамі ажыццяўляліся рэгістрацыі ўстанаўлення бацькоўства, смерці, перамены прозвішча, імя, імя па бацьку, скасавання шлюбу па ўзаемнай згодзе супругаў, якія не маюць агульных непаўналетніх дзяцей і спрэчкі аб маёмасці, уносіліся выпраўленні, змяненні, дапаўненні ў запісе актаў грамадзянскага стану, выдаваліся паўторныя пасведчанні і даведкі, якія ўтрымліваюць звесткі з запісаў актаў грамадзянскага стану.

Усе навіны