Галоўная // ЭКАНОМІКА // Падатковая служба

Падаць дэкларацыю ў тэрмін!

09/02/2023 12:25

Версія для друку

У адпаведнасці з арт. 222 Падатковага кодэкса Рэспублікі Беларусь не пазней за 31 сакавіка 2023 года падатковую дэкларацыю (разлік) па падаходным падатку з фізічных асоб абавязаны прадставіць фізічныя асобы, якія атрымалі на працягу 2022 года наступныя даходы:

- ад платнага адчужэння (у тым ліку шляхам продажу, мены) больш за адну кватэру, аднаго жылога дома, адной дачы, аднаго садовага доміка, аднаго гаража, аднаго зямельнага ўчастка на працягу 5 гадоў;

- ад платнага адчужэння на працягу каляндарнага года больш за адзін легкавы аўтамабіль або іншы транспартны сродак, а таксама адзін і больш аўтамабіляў, тэхнічна дапушчальная агульная маса якога перавышае 3,5 тоны, (напрыклад, грузавы аўтамабіль), аднаго і больш аўтамабіля, колькасць сядзячых месцаў якога, апроч сядзення кіроўцы, перавышае восем месцаў, (напрыклад аўтобус);

- пры атрыманні ў выніку дарэння маёмасці і грашовых сродкаў ад фізічных асоб на суму звыш 8078,00 руб. ад усіх крыніц у каляндарным годзе;

- атрыманыя за мяжой і (або) з-за мяжы (заработная плата, прэміі);

- атрыманыя з-за мяжы паштовыя і банкаўскія пераводы на суму звыш 8078,0 руб.;

- даходы, атрыманыя ў выглядзе выйгрышаў з дапамогай Інтэрнэт - казіно;

- іншыя даходы, утрыманне падатку з якіх не ўскладзена на падатковых агентаў;

- даходы ў выглядзе вяртання ўзносаў пры спыненні грамадзянамі будаўніцтва кватэр і (або) індывідуальных жылых дамоў або ў выпадку патаннення будаўніцтва, вяртання залішне выплачаных узносаў, а таксама пры выбыцці з членаў арганізацый забудоўшчыкаў да завяршэння будаўніцтва.

Падатковую дэкларацыю можна падаць у падатковы орган наступнымі спосабамі: асабіста шляхам прадстаўлення падатковай дэкларацыі ў пісьмовым выглядзе; праз прадстаўніка на падставе аформленай даверанасці; па пошце; у электронным выглядзе праз сэрвіс "Асабісты кабінет фізічнай асобы".

Падатковую дэкларацыю (разлік) можна падаць у падатковы орган па месцы пастаноўкі на падатковы ўлік (месцы рэгістрацыі), а таксама ў любы іншы падатковы орган.

Падаходны падатак, вылічаны і прад'яўлены фізічнай асобе на падставе падатковай дэкларацыі за 2022 год неабходна заплаціць не пазней за 1 чэрвеня 2023 года.

Больш падрабязную інфармацыю па гэтым пытанні можна атрымаць у інспекцыі МПЗ па Лунінецкім раёне па тэлефонах: 6-28-41, 6-23-30,6-28-67

Усе навіны